Slik arbeider vi
Kvart prosjekt er ulikt. Rolla vår og omfanget av oppfølginga blir avklart før oppstart, slik at både du og banken veit kva som er avtalt.
- 1
Første samtale
Vi får ei kort innføring i prosjektet, statusen og kva bonden eller banken ønskjer hjelp til.
- 2
Oppstart og kartlegging
Vi går gjennom prosjektgrunnlag, aktørar, økonomi, framdrift, kontraktar og risikopunkt.
- 3
Avtale om rolle og omfang
Vi avklarer kva Neste Prosjekt AS skal følgje opp, kva som skal rapporterast, og kor ofte vi skal delta.
- 4
Løpande prosjektstøtte
Vi følgjer opp avtalte område og hjelper bonden med struktur, dokumentasjon, møte og avgjerder.
- 5
Sluttfase
Vi bidreg etter behov med restpunkt, dokumentasjon, sluttstatus og overtaking.
Ei tydeleg og avgrensa rolle
Neste Prosjekt AS bidreg med prosjektstøtte, koordinering, struktur og oppfølging. Vi tek normalt ikkje rolla som ansvarleg søker, ansvarleg prosjekterande, utførande entreprenør, juridisk rådgivar eller teknisk kontrollør med formelt kontrollansvar. Vi garanterer heller ikkje pris, kvalitet eller framdrift.
Der prosjektet treng annan fagkompetanse, kan vi hjelpe med å identifisere behovet og få rette fagpersonar involvert.